Saturday, September 18, 2021
HomeGüneyايراندا ديکتاتورلوغون 4 اصلی ستونو:

ايراندا ديکتاتورلوغون 4 اصلی ستونو:

Author

Date

Category

ايراندا ديکتاتورلوغون دؤرد اصلی ستونو:

غرب اولکه لرينده دمکراتيک سياسی سيستيملرين گليشمه سی٬ بورژوازی نين آياق توتوب گوجلنمه سی ايله يان-يانا گليشميش و اوزون بير مدت ايچينده بوگونکو شکلينی تاپميشدير. اينگلتره بير کلاسيک نمونه اولاراق گوسترير کی نئجه خصوصی گيريشيمچيلر صنعتی لشمه نين ایبتیکارين الده توتوب و اونونلا ياناشی سياسی ياپی و قوروملاردا دا سؤز صاحيبی اولماغا چاليشيبلار. البته کی <انگليس يولو> باشقا اولکه لرده تقليد اولماييب و غرب اولکه لری اؤزلرينه خاص يولدا ايلرله ميشلر. اگر بيز انکشاف سورجينده اينجه ليکلری بير قيراغا بوراخساق٬ ايکی آنا يول اوراتايا چيخار: يوخاريينين تشبوثيله گليشن اؤلکه لر( آلمان- روس-ژاپن و…) و آشاغینين گيريشيميله  صنعتی لشمه و دمکراس يولونو توتان اؤلکه لر( اينگلتره- شمالی آمريکا- فرانس- هلند و …) 

گؤرونور کی خالقين تشبوثيله صنعتی لشن اولکه لرده دمکراتيک سيستم دوغال بير مادی بينورره يه صاحبدير يعنی : خصوصی موتشبثلر صينيفينين اولوشدوردوغو بينوره . بو تاريخی تثبيت٬ بو گون واراولان دمکراسيلاردا باشقا فاکتورلارين پايی يوخموش و ياخود فرعی ايميش آنلامينا گلمز. نئجه کی صنعتی لشمه نين و اونونلا يانی سيرا (موازی) دمکراتيک سورجين گليشمه سينده ان باشدا گلن موثر فاکتلاردان بيری ايشچی صينيفی اولموشدور. سؤزون قيسساسی بو ايکی طبقه يعنی بورژوازی و ايشچی طبقه سی غرب دمکراسی دیناميزمينين ايکی آنا ماددی محرکه سی دیر. قيد ائتمگه گرک يوخ کی بو آلت ياپيسال ائتگنلرين ( زيربنائی عامللر) يانيندا اوست ياپبيسال ائتگنلرده (روبنائی عامللر) مثلا دين٬ پوزيتيو علملر٬ فلسفه٬ ايدئولوژيلر و… اؤز معين ايزلرينی بو پرسه ده بوراخميشدير. بو يازيدا منيم هدفيم غرب دمکراسيسينين انکشاف يوللارينی  آناليز ائتمک دگيل. يالنيز بير قيسسا مقدمه دن سونرا ايران مسئله سينه گؤز آتماقدير. 

ايراندا ديکتاتورلوغون دؤرد اصلی ستونو: 

۱- ايقتيصادی ائتگنلر:

– ايران دولتينين گلير قايناغی وطنداشلارين وئرديگی وئرگيلر دگيل.

 – دولتين گليری اساسدا نفت پولی ايله تامين اولر.

– مملکتين بويوک سرمايه لری دولت انحصارينده توتولور: نفت٬ بانکلار٬ بويوک فابريکلر٬  معدنلر وغيره…

– ايران بورژوازی سی دولتين مستقيم و يا غير مسقيم کمکی اولمادان اؤز آياغی  اوسته دورا بيلمز.

– خصوص سرمايه صاحبلری راحات پول قازانمانين يولونو مرکزی دولتين مادی و حقوقی حمايتی آلتيندا اولدوغوندا گؤرور.

– مشروطه انقلابيندان بری٬ بللی داخلی و خارجی سببلردن دولايی ايران ايشچی  طبقه سی اجتماعی گليشمه پرسه سينده اشتراک ائده بيلمه ميشدير.

۲- سياسی و اداری ائتگنلر:

– مرکزی دولت٬ مملکتين اداره سينی موطلق يير شکيلده اؤز اینحیصاريندا توتور. وطنداش هر خيردا بير ايش ايچون تهرانا گئتمه لی دير…

–  جدی سياسی پارتيلير٬ سنديکالار و غير دولتی تشکيلاتلار موجود دگيل.

– بؤلگه سل (منطقه ای) اداری ارگانلار- محله٬ کند٬ شهر٬ ولايت- يوخدور.

– مرکزی دولت ارگانلارينين اوزانتيسی اولان اداری/ نظامی ارگانلار ايرانين هر اوج-بوجاغيندا خالقين قانين شيشه يه چکير.

۳- نظامی/ حربی گوجلر

– بوتون سيلاحلی گوجلر: ارتش٬ سپاه٬ پليس٬ ژاندارمری مرکزی دولت الينده توتولور.

– هر بير محله ده٬ کندده٬  دانشگاهدا و فابريکده بير بسیج تشکيلاتی وار. 

۴- ايدئولوژيک/فرهنگی ائتگنلر:

– شيعه مذهبی دولتين رسمی دينی اولاراق باشقا دينلری و غيری شيعی دوشونجه لری و شيعه مذهبيندن اولمايان وطنداشلاری باسقی آلتيندا توتور. ايرانين حقوقی سيستمی شريعت قانونلاری اساسيندا قورولموش و ایجرا اولونور: قادين داشلاما٬ ال کسمه٬ گؤز چيخارتما٬ خياوانلاردا مينلرجه اينسانی دارا چکمه بو دينی ايدئولوژيک سياسی سيستمين چيرکين اوزودور. دينه دايالی رژيم خالقين ياشامينين هر يئرنه دخالت ائدير : بسلنمه٬ گئييم٬ گزمک٬ تحصيل٬ عبادت٬ائيلنمک٬ طوی٬ ياس…

ـ فارس ديلی مرکزی دولتين انحصاريندا اولان موثر فرهنگی عامل دير. ايرانین مرکزی ديکتاتورلوق سيستمينين اولوشوموندا بلکه ده بيرينجی يئری توتان فارس ديليدير. پهلوی ديکتاتورلوغو اساسا فارس عونصورو هژمونياسی تملينده قورولموشدور. رضا شاه هر کندده بير ژاندارما پاسگاهی و اونون يانيندا دا بير فارس مدرسه سی آچديرميشدير. فارس ديلی يوخاريدان ايران خالقلارينا زورلا تحميل اولان بورکراسينين ديليدير. تعجب ائتمه مه لی دير کی فارسجانين فولکولوری يوخدور. فارسجا دولت وبورکراسی ديلی اولاراق يالنيز ايرانين بويوک شهرلرينده بللی بير صينيفلار طرفيندن ايستيفاده اولونوب و پهلويلر حکومتی مدتينجه آسيميلاسيون وسيله سی کیمی مرکز ی دولتين ديکتاتوروغونون خدمتينده ايشلتيلميشدير. اسلامی/فاشيست حاکميت ده بو وسيله دن سون درجه يارارلانيب و قيسسا بير مودتده ميليونلارجا غير فارسی فارسلاشديريب واونلاری آنا ديللرينه بيگانه ائتميشدير. بوگون ايش ائله بير يئره گليب چاتيب کی تورکلرين بير چوخی اؤ اصللرين انکار ائدير.

نتيجه : يوخاريدا سؤزو گئدن عاميللرين (ائورنسل اينسان حاقلاری چرچواسيندا) کؤکدن دگيشيلمه مه سی هر هانسی بير دورومدا٬ ايراندا دمکراسينين يئرلشمه سی مومکون اولماياجاق.

رسول ماماقانلي

LEAVE A REPLY

Please enter your comment!
Please enter your name here

Recent posts

Recent comments