قويمايين هَد‌ر اولسون
يازيقدير بو حيوانات!
الَه آغاجي گَلن
اوز قويارديلار داغا،
اونلاري گؤر‌ن چوبان
باشلاياردي گولماغا،
ـ اَده هارا گليرسيز؟
من ظارافات ائديرديم
بير تولكويموش گؤردويوم
من اؤزومو ايتيرديم.
هر گون يالانچي چوبان
اوتاراركن قويونو
كندلي‌لرين باشينا
آچاردي بو اويونو.
بير گون يالانچي چوبان
سحر داغا ديرماشدي،
قويونلار قاباغيندا
اوكنددن اوزاقلاشدي،
نئچه جاناوار بيردن
ديرماشديلار دره‌دن،
چوبان چيغيردي هاراي !
آي جاماعات گلين هاي!
هر كس ائشيتدي سسين
سؤيدو اونون ده ده‌سين
ـ فیلان، فیلان گؤره‌سن
يئنه نه قورغو قوروب،
قارا قويون سوتوندن
يئييب چؤلده قودوروب.
بير نفرده گلمه‌دي
چوبانين كؤمه‌گينه،
چوبان دؤرد جاناوارا
نه ائله‌سين تكينه؟
جاناوارلار بير آندا
سورويه داراشديلار
بئشين بوغوب دؤردون ده
گؤتوردولر قاشديلار.
اوشاقلار باغچاسی – حبیب فرشباف
