Monday, October 25, 2021
HomeCultureصمد بهرنگينين يادينا

صمد بهرنگينين يادينا

Author

Date

Category

صمد بهرنگينين يادينا

 اوخودو قارانقوش آيريليق سؤزون
مروت اهلينين گؤزو يولدا كن
جومدو طوفانلارا اونوتدو اؤزون
اولدوزا نه جواب وئرجگم من ؟

قيشدا قارلي داغلار سوراغلاشسالار
تبريزين گول اوغلون ، مهربان اوغلون
بير هاراي چكرم اي اوجا داغلار
آختارين آرازين چندلي بئليندن

دشمن طعنه وورسا صمد هاردادير
اليمي سينه مه چاليب دئيه رم
صمد كؤنلومده دير، اورگيمده دير
دؤگوشور اؤلسه ده دونمز ائليندن

اونون صداقتي جان وئرير بيزه
آلوولي عشقيندن ايلهام آليريق
هر دقيقه باش چكير اورگيميزه
مغاياتليق ائدير اؤز اكديگيندن

سؤيله ين گئدجك،سؤز قالاجاق
عدالت ناغيلين ائل دوغرولداجاق
ظلم ائوي عدل ايله بر باد اولاجاق
صمدي قارشيدا گؤرجك دوشمن

بو بير ناغيلدير كي ائللر سؤيله يير
بيري سسدن دوشسه او بيريسي دئيه ر
ناغيلچي دايانار،سؤز داوام ائدر
ائل اوچون ياشايار بوردا بسله نن

نيياران قالماسين اولدوزا دئيين
كؤنلومه آلميشام صمدين عشقين
صمد كؤنلومده دير،اورگيمده دير
وورغونون آداشي جيگريمده دير
اينتقام آلاجاق ائل دوشمنيندن

(عليرضا نابدل – اوختاي )

LEAVE A REPLY

Please enter your comment!
Please enter your name here

Recent posts

Recent comments