Wednesday, September 15, 2021
HomeGüneyعاشيق عبدولعلي نين خاطره سينه - حميد داديزاده تبريزی

عاشيق عبدولعلي نين خاطره سينه – حميد داديزاده تبريزی

Author

Date

Category

عاشيق عبدولعلي نين خاطره سينه

حميد داديزاده تبريزی

دوشنبه ٢ تير ١٣٨٢ – ٢٣ ژوئن ٢٠٠٣

عاشيق عبدولعلی ده گئتدی
ائشيدديم عاشيق عبدولعلی ده گئتدی، ائشيدديم عاشيق عبدولعلی نين سازينين سسی کسيلدی، ائشدديم عاشيق عبدولعلی نين جسدی تورپاقا تاپشيريلدی والله من نه دئيم بو پاسيفيک دنيزينين کناريندا، يالنيز بونو دوشونوره‌م که عاشيق عبدولعلی نين سازينين سسين نه شاهين توپ تفنگی ساواکی سوسدورا بيلمه دی نه ده اسلامی حاکملرين فتواسی. عاشيق عبدولعلی حقيقتده بير ائل عاشيقی کيمی ياشادی و آدی ابدی قالدی. عاشيقين وفاتيندان سونرا اونا رحمت ايسته ماخدان سونرا سوزومو عاشيقلارين سوزيله دوام ائتماق ايستيورم . عاشيق عبدولعلی ده ده دن بيليکه چاتماميشدی اونا گوره ده ائلين قدرينی بيليردی. 
 تبريزين اينالی اتکيندن، گجيل قاپيسينا قدر، تبريز، اهر،کليبر،خدا اافرين، و قارا داغ ماحاليندا عاشيق عبدولعلی سينه لرده ياشيور،عاشيق عبدولعلی نورمال منطيقلی و آرام بير اينسانيدير، سويملی بير اينسان .ارام کاراکترلی.بونا گوره ده هر بير زامان دومانلی تبريزده عمور بويو ياشادی، ياراتدی و عاشيقليق صنعتين و هنرين داها يوکسلدی.
عاشيق عبدولعلی ده گئتدی. اودا قافله يه قاتيشدی و آدی آذربايجان خلقينين شفاهی ادبياتيندا ثبت اولدو. اونون يادی خاطره سی و ايناملی وجودی بيزيم تاريخيميزده حک اولدو.
من ونکوور شهرينده اونون رحمته گئتمه سين ائشيدديم بير لحظه دوردوم دوشوندوم، خيالا دالديم ، فيکره گئتديم و اوز اوزومه دئه ديم ای وفاسيز دونيا . سونرا استاد شهريارين قاليجی اثری ديليمده سسلندی:
حيدر بابا دونيا يالان دونيادی
سليماندان نوحدان قالان دونيادی
هر کيمسه يه هر نه وئريب آليبدير 
افلاطوندان بير قورو آد قاليبدير
هر زاددان اونملی عاشيق عبدولعلی نين وقاری و عاشيقليقا حورمتيدير. بونا گوره او اينسان ايللر بويو چاليشدی سازين سسلنديردی وبو صنعتی گنج عاسيقلارا اورگددی. ايندی ده هله قولاغيمدادير. بير گون تبريز شهرينده عاشيقلار قهوه سينده بير دو بيتی داغچيلارين عشقينده اوخودی:
 بينه لری چادر چادر چوخ گيچميشم اوزوم داغلای
الهامينی سيزدن آليب منيم سوزوم سازيم داغلار
عاشيق عبدولعلی تورپاق اسيری اولسادا اونون اثرلری ايللر بويو سينه لرده سسلنه جاغدير. تبريزده عاشيق صنعتی نی سوه نلر و استادين دوستلاری بوتون آذربايجاندان چوخ حورمتلی بير مراسيمله عاشيقی اوز ابدی ائوينه يئتيرديلر. عاشيق عبدملعلی نين خاطره سی ياشياجاقدير

Recent posts

Recent comments