Wednesday, September 15, 2021
HomeGüneyقونشونون اميدينه قالان کئجه نی شامسيز ياتار - حميد داديزاده

قونشونون اميدينه قالان کئجه نی شامسيز ياتار – حميد داديزاده

Author

Date

Category

قونشونون اميدينه قالان کئجه نی شامسيز ياتار
حميد داديزاده (تبريزی)

اينسان حاقلاريندان، اينسان وارليغيندان سوز دوشنده بو آتا بابا لار سوزی هر زامان گوزومون ئونونده دورور. تاريخين کئچيشی، زامانين دکيشمه سيده بو سوزلری داها ̃ايدنليقا چيخارير. اينسانلار، اولورسا فردی حالتده بير انديويدوال کيمی و يا خود بير ميللت اولاراخ بو سوزون رئال ليغين دوشونور و آنلاير. دئمکدن هم اينسان تجربه‌سی، تاريخی و هم سندلرده بو سوزی اثبات ائدير. بو ساده سوزون بطنينده درين علمی دوشونجه لر وار. او دوشونجه لر که معاصر اينسان اوز علميله اونلاری آراشديرماخدادير. تاريخی واقعه‌لر، حادثه‌لر و حياتين تجربه لری زامانين پروسسينده بير ديرلی درسلر و قاليجی فکيرلر هر ميللته باغيشلير. آذربايجانين کمپلکس، آغير و چوخ ماجرالی تاريخنينده بو دويغولار و مثللر اوزونه يئر توتوب و خالقيميزين گيزلين حافيظه سينده ياشيور. 
بوردا آذربايجان خالقی، سومر ريشه لی بير ميللت اولاراخ، تاريخده بير بئللی باشلی ايزلری واردير. بوميللتين اوزون تاريخ بويو کوچمن ياشانتی سيستمی و داش آتانلارين يا راسيستلرين يالانچی تبليغاتی سبب اولوب بو ميللت بير ديل، و مدنييت ثوباتينا چاتماسين. امما سوينره‌ک بونو دئمک ايسته‌رم کی معاصر رنسانس و اويانيش يا خود يئنيدن دوغولما استاتوسی بو گون آذربايجان ميللتينده ده بير عموم بشری ديرچکليغا سبب اولوب . داها دوغروسو آذربايجان ميللتی اوز وارليغين يئنيدن تبيين ائديب و انفورماسيا دوروندن فايدالاناراق ، ايستير، پروفسور دکتر هيئت دئميشکن، “اوزی اوز ديلينه، وارليغينا صاحب اولسون.
اوز اوزونی آختارماخ، اوز کوکی اوسته بيتماخ و اوزچورکين اوزی ياپماخدا هاميسی بو تاريخی و ميللی شعور رنسانسيندان آسيليدير. ميلليتچيليق بو مفهوم و کونسپت ده دئمک بير يئنی پيسيکولوژيک مرحله يه چاتماخدير. بوردا بير إودا باشی ، و يا بير قوندارما و چوروموش بير دسپوتيک سيستمه احتياخ يوخدور. شاهليق دورو داها سونا چاتدی و تاريخلرده بير قارا دهشتلی نيشانه قالدی. اونا گوره ده بو مرحله ميللتلرين اويانيش پروسسينده چوخ آيدين بير دوره دير . ميللت اوز اوززن يارادير و ياشاماخ يارادماخدی ديرکن، داها اوز اوززنه گووه نير و اوز اوز ديلينه باغلانير و اوزونه بير پلان توکور.
دئمک اولور کی ميللت آسيميله زنجيرينين آلتيندان چيخير، داها اوزو اوزونه شام تدارکی گورور. بونو اوز اتی ، سوموگو و قانيلن آنلايب کی “قونشونون عمودونا قالان کئجه نی آج ياتار. چاغداش تاريخيميزده، مشروطه حرکاتيندان بئری ، تاريخی دونوشلرده و دوشرگه‌لرده بونو تجربه ائديب. 
 بو اويانيشين چوخلی مرحله لری وار ، من اوچ اونمليسينی قيد ائتمک ايستيرم. بيرينجی مرحله ديل اويانيشيدير. بو مرحله اوز ايچينده بير نئچه بوداغا بولونور. ديل اويانيشی ميللی شعوور اويانيشينا باغليدير. بو مرحله ده ميللتين آحادی اوز ديلينه مالک اولوب و اوز ديللرين بير زنگين و اهميتلی سلاح کيمی محافظه ائتمکه چالشير ، قوروماق ايستيور. ديل اويانيشيله ميللت اوز اوزونه بير همبسته، هموژن توپلوم و مشترک بير عائله کيمی باخير. بوردا چوخ اهميتی وار کی بيرليک، قارشيلی احترام و مدارا کولتورو بير مدنی شکليده درينشسين ، و تفرقه سالانلار و داش آتانلار ميللته تانينسين. بو مرحله اويانيشدا آذربايجان ميللتی باشقا تاپدالانميش ناسيونلار کيمی اوز کولتور و ميللی شعوورينا قايديب، ديل سلاحين ايتيلديب، اورگنيب، باريشيق، دوستلوق، وبيرليک فيکرينده دير. بو يولون دواميندا شفاهی ژانردان يازيلی و مکتوب ديله يول سالماليديلار. مکتوب و يازيلی مرحله ديل اويانيشينين ان اونملی فازی حسابلانير. بو مرحله ياراديجيليق و ادبی بديعی اينکيشاف مرحله سيدير.
ايکينجی مرحله پيسيکولوژيک يا معنوی روحی اويانيشدير. بير اينسان و يا خود بير ميللت اوز ديلينه صاحب اولاندان سونرا، بيرينجی نائلييت پداگوژيک عرصه لرينده دير. اوميللتين اوشاخلاری اوزلرين دوشونجه صاحبی کيمی بيليب، مکتبلرده درس کلاسلارين قارشيلی دوشونجه ، مباحثه و ديالوگ ميدانينا چئويرر. داها بير قوناق کيمی گوزی يولدا فيکری قونشودا اولماز. اوزو اوزينه دون تيکر و بير سارسيلماز اراده ايله ديل آموزشلرين داها يوکسلديب ، گوندن گونه ياراديجيليقا اوز قويار.
اوچونچی مرحله سيستم يارادما و مدنی اولاراق اجتماعی توپلوملار، بيرليکلر، و مطبوعاتی اورگانلار يارادماخ مرحله سيدير. داها دوغرو آنا ديلی سلاحين شفافلانديرمک ايچون بوتون آيدينلار و ميللتين ضيياليلاری ديلين چشيتلی عرصه لرينی ميللته تانيتديريب و ديلين يئنيلمز و توکنمز قودرتين دونه_دونه ايضاح ائتمه ليديلر. آنا ديلی بير آخار سو کيمی مکتبلرده پداگوژيک اورگانلارين ايشه ساليب و ميللتين آمال و آرزولارين چوخ ساده و بسيط صورتده عکس ائدر. بوگون آذربايجانين ترک ديلينده يازيلارين يايلماسی، قازه تلرين گوندن گونه آرتيريلماسی، و آذريايجانين ادب و کولتورونون حققينده کيتابلارين چاپ اولماسی منيم بو سوزومی ثبوت ائدير. بو يازينين ايکينجی قيسمتينده آنا ديلی اينکشافينين اوشاقلاردا اثرلرين اشاره اولوناجاقدير.

LEAVE A REPLY

Please enter your comment!
Please enter your name here

Recent posts

Recent comments