Wednesday, September 15, 2021

Author

Date

Category

www.durna.se
ساوالان يولداشی بير قادين
لاله جوانشير
تبريز، اطرافيندا مين لر آرزو دولانان شهردير. هر کوچه سيندن، خيابانيندان، بازاريندان، کتابخاناسيندان و …
کئچنده اوره ييندن ديله گتيره بيلمه ديگين سؤزلر کئچير، کلمه لر دولانير. سينيق کاشی لارينی، اطرافيندا پاساژلار
تيکيلميش گؤی مَچيدينی، ييغيلماقدا اولان ارکينی گؤروب سينميش قول – قانادينلا ائوينه دؤنمه يه بيلمزسن.
تبريزين رنگی قاچير. گوندن – گونه بوزارير شَهَريميز، اما اوره کلريميزده کی جوجره ن کؤزلر بيزلری گله جه
يه، آذربايجانيميزی يئنيدن چيچکلنديرمه يه اومودلو ساخلايير. ساوالانين، سهندين، بوزقوش داغلارينين آرديندان
دوغان هر يئنی گون کؤنوللريميزی، ايراده لريميزی داها دا گوجلنديرير. داغلارا، داغلارا، داغلارا دوغرو
گئديريک…
دئييرلر بيزيم يوردون تاريخی يازيلمير. اصلينده بيزده تاريخی کيچيک گؤرونن اما درين ايزلر، جيغيرلار آچان
اولايلار ياراديب واراقلايير. بيزسه بعضا اونلاری اؤنمسه مه دن، گؤرونمه ين اينجه تاثيرلره آلديرمادان چکيب
گئديريک.
منجه بو يازيلمايانلارين بيری ده آذربايجان قادينلارينين تاريخی، اونلارين بوتون چتين ليکلره قارشی آپارديقلاری
ساواش، مجادله و ياراتديقلاری ده ييشيک ليک لردير. گونئی آذربايجان قادينی گوجله نيب، ايللر کئچديکجه داهادا
گوجله نير. قول گوجو ايله آلينميش حاخلارينی بو دؤنه علمی، فلسفی، سياسی، ادبی و اجتماعی چابالارا قاتيلاراق
گئری قايتارماغا چاليشير. قادينين گوجلنمه سی توپلومون گوجلنمه سی دئمک دير. قادينين شعور يوکسک ليگی
توپلومون اوستون سوييه يه قالخماسی دير.تحقيرله، سوييه سيزليکله باريشمايان قادين طبيعی کی عينی روحدا
ائولادلار يئتيشديره جک. گله جک توپلومون شعورونا يؤن وئره جک.
بونلاری گؤز اونونه آلاراق سون ايللرده تبريزده آيدينلانما و اجتماعی چابالارا قاتيلما يولوندا وار گوجو ايله
چاليشيب يئنی جيغيرلار آچان، چاليشما اورتامی يارادان بير قادينی تانيتماق ايسته رديم:
عديله طهماسبی، – 1335اينجی ايلده اهرده دونيايا گليب ائولنديکدن سونرا تبريزده ائولی ليک حياتينی
سوردوردو. – 1354دن باشلاياراق حيات يولداشی يوسف پورموسوی ايله بيرليکده آذربايجانی قاريش – قاريش
گزيب داغلارينی، طبيعتينی تانيماغا باشلادی. – 1364دن ائو خانيمی اولماغی بير کنارا قويوب درزی ليک
صنعتينه گيريشدی. چوخ کئچمه دی تبريزده ايلک قادين درزيلر بيرليگينی ياراتدی. خانم طهماسبی شرقی

آذربايجان قادين درزيلر بيرليگی نين باشچی سی اولماغا رای گتيردی. بو بيرليکده قادينلارا ايش و چاليشما
مجوزی وئريليردی. 9آی بو بيرليکده چاليشيب اونون قوروجوسو اولسا دا، بعضی سبب لر اوزوندن ايشدن
اوزاقلاشديريلدی. بوندان سونرا اؤز شخصی ائوينده مختليف تئاترلارا گئييم تيکمکله برابر آذربايجان ميللی
گئييملری و رقص پالتارلارينی تيکمه يه باشلادی. اونون حاضيرلاديغی ملی گئييملر سون ايللرده خارجی مملکت
لرده ياشايان آذربايجان توپلولوقلارينا بئله گؤنده ريلدی.
– 1387ده عموم دونيا قادينلار گونونده ” تورک – آذری” قادينلار توپلولوغونون باشچی سی خانيم تنزيله
روستم خانلی طرفيندن باکی – يا دعوت اولوندو. بو سفرده ميللی گئييم لر و قوزئی آذربايجاندا قورونوب ساخلانان
عادت – عنعنه لرله ياخيندان و داها جيددی تانيش اولدو. سفردن دؤندوکدن سونرا گونئی آذربايجاندا باغيمسيز بير
قادين جمعيتی قورماغا قرار وئردی. داغ و طبيعتله باغلی تجربه لرينه داياناراق بو جمعيت ” داغچی قادينلار
جمعيتی” اولدو. برق و مخابرات ايداره سينين قادينلاريندان اولوشموش بو توپلولوق آذربايجاندا ايلک
باغيمسيز)مستقيل( قادين تشکيلاتی ايدی. توپلولوق تهرانداکی داغچيليق جمعيتی ايله علاقه لر قوراراق تبريزده
قادينلار اوچون داغچيليق موضوعسوندا ايلک تئکنيکی کورسلار دوزه نله دی و علمی شکيلده اؤز چاليشماسينا
داوام ائتديردی.
8 ،1379مارت گونو ” نشر فرهنگی زنان ” طرفيندن تهرانا دعوت اولونوب ” حياتينی ده ييشديره ن بير قادين”
عنوانی ايله چيخيش ائتميش دير. بو پروگرامدا سيمين بهبهانی و شيرين عبادی گؤردويو ايشلر اوچون خانيم
طهماسبی نی خصوصی شکيلده تقدير ائتميشديلر و دانيشيق فرانسه راديوسوندان ياييلميشدير.
بوندان سونرا گئنيش و گوجلو چاليشمالار نتيجه سينده تبريزين بدن ائيتيمی ايداره سی طرفيندن ايشه دعوت
اولونوب رسمی شکيلده ايشه باشلادی. بو رسميت دن سونرا تبريزه ايرانين دؤرد بير يانيندان داغچی قادينلار
دعوت اولوندو. – 1380اينجی ايلده 250نفر قادين يوردوموزون ذيروه سی ساوالانا يوکسلديلر. ايکی ايل سونرا
720نفرليک بير گروپلا بابک قالاسينا گئديلدی. بو داغلارا گئديشين مقصدی آنجاق طبيعتی گؤرمک دئييل، همده
يوردوموزون طبيعتينی ، داغلارينی قوروماق، قديم آبيده لريميزی گؤروب تاريخيميزله تانيش اولماق، شهرلردن
اوزاقلاشماق، اجتماعی فعالييت لره قاتيلماق، خئيير ايشلر گؤروب احتياجی اولانلارا يارديم ائتمک و بو کونولاردا
يئترلی بيلگی وئرمک ايدی.
چوخ ساييلی صعودلارين گئنيش اجتماعی تاثيرلريندن باشقا ماددی تاثيرلری ده وار ايدی. اؤرنه يين: داغلارين
اطرافيندا کمپ لرين تيکيلمه سی، بهداشتی يئرلرين يارانماسی، يوللارين دورومونون ياخشيلاشماسی و … .
همن ايللرده ايراندان ائورئسته يوکسه له جک قادينالار گروپونا بير نفر ده تبريزدن، خانيم طهماسبی نين
يئتيشديرديگی گنج داغچی فريبا ياری قاتيلدی. سال داشلارا چيخا بيلمه يی اؤيره تمک اوچون تهراندان يئنی
اؤيرتمن لر دعوت اولوندو. آرتيق تبريز هر شئی کيمی قادينلار داغچی ليغيندا دا اؤنجول اولماغا گئديردی.
بو چاليشمالار داها ايلک بارينی وئرمکده ايکن تبريزين بدن ائيتيمی ايداره سی چئشيدلی سبب لر اوزوندن خانيم

طهماسبی نين بو ايداره ده چاليشماسينی ياساقلادی. ياساقلامانين سونوجو ايسه ” ياشيل يول” آدلی يئنی بير
جمعيتين يارانماسی ايدی. ياشيل يولون يارانماسی ايله گروپون فعاليتی دايانمادان داها دا گئنيشلندی. تبريزدن
باشلايان يام – ياشيل بير يول آچيلدی انسان حاخلاری و قادين مسئله لری اوزه رينه چاليشان توپلولوقلارا. خانيم
طهماسبی تهرانداکی انسان حاخلاری کورسلارينا قاتيليب يئنی فيکيرلرله الی دولو تبريزه قاييتدی. 8مارس
موناسيبتيله کنفرانسلار، سرگيلر و … سون زامانلارين چاباسی دير.
ياشيل يول جمعيتی آنجاق طبيعتله يئتينمه ييب شَهَريميزين ايچينده ده چاليشمالارا دوام ائدير سون پروقراملارين
بيرينده قوجالار ائوينده کی – بلکه ده – اونودولموش، عؤمرونون سون يارپاقلارينی خزان يئلينه تاپشيرميش
ياشليلارلا ايلگی لنمه يه باشلاميش دير. تبريزين قورو گؤلونه آپاريلميش قوجالاريميزا آذربايجان موسيقی گروپو و
بو آن تبريز زندانيندا اولان حسن دميرچی جنابلاری اونودولماز آنلار ياشاتميش دير.
خانيم عيله طهماسبی ايللر بويو دماوند؛ علم کوه، تفتان، دنا، اشترانکوه و… کيمی ذيروه لره يوکسلديگينه
باخماياراق ساوالانا باشقا بير سئوگيسی وار. سيررينی، کؤنلونو پايلاشير سولطان ساوالانلا. ايلده ان آز ايکی دؤنه
ساوالانين گؤروشونه گئتمه سه اوره يی دينجه لمير. ذيروه لر اونو اؤزونه سسله يير.
هر زامان ذيروه لرده اولسون دئييريک.

LEAVE A REPLY

Please enter your comment!
Please enter your name here

Recent posts

Recent comments