آجليق اعتصابيندا بدنده نه اولور؟
بيرينجي- ايكينجي گؤنده:
آجليق حيسسي تؤرنير. انرژى اوچون بيريني نؤبه ده قاندا اولان گولوكوز و جيگر- ماهيچه لرده اولان گليگوژن ارييير. گلوكز آزالديقجا بدن ياغ يانديرماغا باشلايير. نورمال حاللاردا بئين لازم اولان انرژينى گولوكوزدان آلير. آنجاق گولوكوز آزليغيندا بئين اؤز ائنرژيسيني “كئتون جيسمييندن” آلير. “كئتون جيسمي گلوكوزا اوخشار بير مولوكولدور كي ياغ اريمه پروسئسده تؤرنير.
اوچونجو گؤندن:
آجليق حيسسي داها حيس اولونمور. بدن حالسيزلاشير.
بدن ان آزي گؤنده 1200 كيلو كالريه احتياجي واردير. بو احتياجا جاواب وئرمك اوچون ياغ يانديرماق ايله برابر عضله پروتئينلري قيريلماغا باشلايير و ياواش- ياواش بدن ضعيف له شير. پروتئين قيرما يولو ايله تؤره نن ائنرژي كارسيز بير پروسئسدير. 1200 كيلو كالريني ايستئحصال ائتمه اوچون بير كيلو عضله قيريلماليدير.
ايكينجي هفته دن:
شدتلي آريخلاما، اورقان چاتيشمازليغينا سبب اولور. سيديك حجمي آزاليب، كليه لر ايشدن دوشمه يه باشلايير. بدنده اولان زايد ماده لر بدنده قالير. دري قالينلاشير. بدن مجبور اولور داخلده موجود اولان مايه لردن ايستفاده ائدسين. قاندا اولان آلبومين چوخ آزالديقدا بدني شيش باسير.
بدنين حياتي اورقانلارينا، بئين و اوره كه انرژى وئرمك اوچون عضله لر ياواش- ياواش قيريلير. كاليوم سويه سي آشاغي دوشمك له عضله لر اسپاسما دوشه بيلر. زامان گئديكجه بدن حركتدن دوشور.
قان تزيقي آشاغا دوشمكله بدنين حرارتي آزالير و بو حالدا شؤك تؤره نه بيلر. درمان اولمايان شوك، كوما و اؤلومه سبب اولا بيلر.
آجليق اعتصاب زاماني بوغارساقلارين موكوزاسي ضعيف له شيب، قان عفونت ريسكي آرتير.
بئله خلاصه ائتمك اولار:
آجليق اعتصابيندا جيسمي علامتلر:
وزن آزالير
بدنده اولان عضله و باشقا پروتئينلر آزالير
ايمون سيستم ضعيف له نير
عفونت و شوك ريسكي آرتير
اورقانلار ايشدن دوشور
وزن 60% چاتاندا اينسان اؤلور[آزوت اؤلومو]
آجليق اعتيصابيندا جيسمي- روحي علامتلر:
يورقونلوق، عمومي ضعيف ليك
تشبوس گوجو ضعيف له نير
حركت سيزليك
ديققت سيزليك
دئپرئشون
عصبي له شمه
شخصي دييشيمي
گوجدن دوشمك
دوكتور داود ائلدنيز
