Wednesday, September 15, 2021
HomeHuman rightsاردوغان ميللي و ديني آزليقلارا گئنيش آزادليقلار وعد ائدن ايصلاحاتلار پاکئتيني آچيقلادي

اردوغان ميللي و ديني آزليقلارا گئنيش آزادليقلار وعد ائدن ايصلاحاتلار پاکئتيني آچيقلادي

Author

Date

Category

      تورکييه ده دؤولت ايداره لرينده باش اؤرتوسونه قاداغانين آرادان قالدلريلماسي، ميللي آزليقلارين پارلامئنت تمسيلچي نين يونگوللشديريلمه سي، اؤزل مکتبلرده باشقا ديللرده تحصيله ايجازه وئريلمه سي کيمي ايصلاحاتلار نظرده توتولور. 

     دئموکراتيکيشمه پاکئتينين ايچيندکيلر :

 

  چوخدان گؤزلنن و  ” دئموکراتيکلشمه پاکئتي ”  آدلانان ايصلاحاتلار پاکئتي نين مغزيني سئنتيابرين 30-دا آنکارادا کئچيريديي متبوات کونفرانسيندا باش نازير رئجئپ تايييب ائردوگان ژورناليستلره آچيقلاييب. نظرده توتولان ايصلاحاتلارين عصاس مقاملاري آشاغيداکيلاردير:  

     – اؤلکهده غئيري-دؤولت مکتبلرينده تدريسين تورک ديليندن باشقا ديگر ديللرده ده آپاريلماسينا ايمکان وئريلير. 

     – سياسي پارتييالارين پارلامئنتده ماندات آلمالاري اوچون موعين ائديلميش مينيموم 10 فايز سس آلماق مهدوديتي نين بير قدر يومشالديلماسي، ياخود، عوموميتله بو مهدوديت آرادان قالديرلير. 

     – ياشاييش مسکنلري نين کورد ديلينده آدلانديريلماسينا قويولان قاداغا دا آرادان قالديريلير. 

     – دؤولت ايداره لرينده قادينلارين ايسلامين باش اؤرتوسوندن ايستيفاده ائتمه سينه قويولان قاداغا يالنيز محکمه لر و حربي تشکيلاتلار ايستيثنا اولماقلا قالان بوتون دؤولت قوروملاريندا آرادان قالديريلير. 

     – سياسي پارتييالارا دؤولت يارديمي نين اهاته دايره سي گئنيشلنديريلير. 

     – سياسي پارتييالارا عوضو اولماغا مهدوديتلرين چوخو آرادان قالديريلير، سس وئرمک هوقوقو اولان هر کسين سياسي پارتييالارا دا عوضو اولماق هوقوقو تمين ائديلير. 

     – تورک ديليندن ساوايي باشقا ديللرده ده سئچکي تبليغاتي آپاريلماسينا ايمکان ياراديلير. 

     – نيفرت، آييجيليق، ياشام طرزخينه موداخيله کيمي جينايتلره گؤره جزا سرتلشديريلير. 

   ” دئموکراتيکلشمه پاکئتي ” نده ميللي آزليقلارا داها گئنيش هاقلار وئريلمه سي، سياسي آزادليقلارين گئنيشلنديريلمه سينه داير باشقا مادده لر ده وار. 

     بورادا نظرده توتولان ايصلاحاتلارين بير قيسمي قانونلاردا دييشيکليک اولونماسيني، بير قيسمي هؤکومتين قرارلاري نين قبول ائديلمه سيني، بعضيلري ايسه اينزيباتي ايدارئتمه اورقانلاري نين تعليماتلاريندا دوزه ليشلري طلب ائدير. 

     هؤکومت ياخين مودتده بو پاکئتده قئيد ائديلن ايصلاحاتلارين ايجراسينا باشلاياجاغيني ود ائدير. 

     پکک تئررورونا سون قويولاجاقمي؟ 

     باش نازير ائردوگان قئيد ائديب کي، بو پاکئتده قئيد اولونانلار اؤلکه نين بوتون پروبلئملري نين هلليني اهاته ائتمه سه  ده تورکييه نين اون ايللردير اوزلشديگي بعضي پروبلئملري آرادان قالديرا بيله جک. 

     بو ايصلاحاتلار تورکييه ده خوصوصيله کورد ميللي آزليغي ايله اون ايللردير داعوام ائدن موناقيشه نين آرادان قالديريلماسيندا عصاس هللئديجي ايشلر حساب ائديلير. 20 ايله ياخيندير داعوام ائدن بو موناقيشه نتيجه سينده 40 000-دن چوخ آدام هلاک اولوب. کوردلر تخمينن 74 ميليونلوق تورکييه اهاليسي نين 20 فايزيني تشکيل ائتديکلريني ايديعا ائديرلر. 

     بوندان اول دونيانين اکثر اؤلکهلرينده تئررورچو تشکيلات کيمي تانينميش پکک تئررور تشکيلاتي ايله الده ائديلن راضيلاشمايا گؤره بو تشکيلات ياراقليلاريني تورکييه اراضيسيندن چکمه يه باشلاييبلار. آما اؤتن آي همين تشکيلات تورکييه هؤکومتيني وئرديگي ودلري يئرينه يئتيرمه مکده ايتتيهام ائده رک چکيلمه ني دايانديرديغيني ائلان ائديب. ايندييه قدر اونلارين بو بياناتلارينا ائردوگان هؤکومتيندن هر هانسي رئاکسييا يوخ ايدي. 

     بو ايصلاحاتلار همچي نين قارشيداکي 2 ايلده گؤزلنن بله ديييه، پارلامئنت و پرئزيدئنت سئچکيلرينده ائردوگانين سياسي گله جگي اوچون هللئديجي آدديملار حساب ائديلير. 

     بو خبر حاضيرلانديغي زامان آرتيق بعضي نوفوزلو بين الخالق آگئنتليکلر ائردوغان-اين آچيقلامالارينا قيسا شرحلر وئريب. 

     رئوتئرس: «باش نازير ائردوغان آچيقلاديغي ايصلاحاتلارين اؤزل مکتبلرده تورکجه دن باشقا ديللرده تحصيله ياشيل ايشيق يانديراجاغيني سؤيله دي. ائردوغان آيريجا عومومميللي سئچکيلرده سئچيم سددي نين يوزده 5-ه سالينا، حتّی تام آرادان قالديريلا بيله جگيني ديقته يئتيردي». 

     آسسوجياتئد پرئسس: «باش نازير ائردوغان کورد ديلييله باغلي بعضي مهدوديتلري و ايسلامي باش اؤرتويو ياساغيني آرادان قالديران بير قانون تکليفي پاکئتيني آچيقلادي. آچيقلانان ايصلاحاتلار اؤنوموزده کي  2 ايل ايچينده هم پارلامئنت، هم ده پرئزيدئنتليک سئچکيلرييله قارشيلاشاجاق ائردوغان-دان هانسي سياسي گؤزلنتيلرين اولماسي باخيميندان اؤنملي گؤرونوردو. پاکئتين ايجتيمايته آچيقلاناجاغي تاريخ داها اؤنجه بير نئچه دفعه  ائرتلنميشدي». 

     رئاکسييالار 

   

  اردوغانين ايصلاحات پاکئتينه ايلک رئاکسييالاردان بيري پارلامئنتده کي  کورد پارتيياسي نين – باريش و دئموکراتييا پارتيياسيندان (بدپ) گليب. بدپ-دن اولان ميلت وکيلي هاسيپ کاپلان دئييب کي،  ” پاکئت قانع ائديجي دئييل ” .  

   

  کاپلان تورکييه نين  ” هوررييئت ”  قزئتينه وئرديگي آچيقلامادا بيلديريب کي، پاکئت اؤز فيکريني ايفاده ائتديگي، ميتينقلره چيخديغي اوچون تئرروريزمله موباريزه آدي آلتيندا حبسخانايا سالينان مينلرله اينسانا کؤمک ائتميه جک:  ” باش نازير اردوغان  ” فيکيرلر سؤيلنسين ”  دئيير، آما حياتا کئچمير ” . 

   

  کاپلان پاکئتين آنا ديلي مثله سينده ده قانع ائديجي اولماديغيني ديله گتيريب:  ” آنا ديلينيزي اؤزل مکتبده اؤيره نين دئمک خالقي قانع  ائده بيلمز. باش نازيرين اؤزو آنا ديليني اؤز پولويلا اؤزل مکتبده اؤيره نيبمي؟ ”  

   

  بدپ پاکئت آچيقلاناندان سونرا فؤوقلاده توپلانتيسيني کئچيريب. پارتييانين همسدري گولتان کيشاناک ايسه  ” بو پاکئتين پروبلئم هلل ائتمه گوجو يوخدور ”  سؤيله ييب.  

   

  آزادليق راديوسو 

   

 

LEAVE A REPLY

Please enter your comment!
Please enter your name here

Recent posts

Recent comments