Thursday, September 23, 2021
HomeOpinionsاختلافلار دوشمنچيليكه چئويريلمه مه ليدير

اختلافلار دوشمنچيليكه چئويريلمه مه ليدير

Author

Date

Category

  شاهيد اولدوغونوز کيمي، سون زامانلار بير نئچه ميللي فعالين آراسيندا ايختيلاف چيخيب. چوخ تأسوفله، ايختيلاف تؤره دن طرفلرين بعضي نوماينده لري بير-بيرلرينه قارشي اوزدنيراق ايفاده لر ايشلتميشديلر و يئنه تأسوفلر اولسون کي، بو حاديثه  هله ده داوام ائتمکده دير.  بير مدت بوندان اؤنجه بيز بير نئچه ميللي فعاللا بو باره ده موزاکيره آپاراراق بئله بير قرارا گلديک کي، بو ايختيلافلاردا طرف توتماق، او معنادادير کي، اودون اوزرينه بئنزين سپه سن. ان ياخشيسي بوندان عيبارتدير کي، ايختيلاف طرفلرين باريشا دعوت ائدک. 

 

   

  عومومي حالدا باش وئرن ايختيلافلار ايکي جوره نتيجلنه بيلر: 

   

  1.بو ايختيلافلار آپاريب چيخارار کين، اينتيقام و بير-بيريندن نيفرته. سون آندا  ايختيلاف طرفده دورانلار حتّی بير-بيري ايله بير ماسا آرخاسيندا اوتورماقدان امتناع ائده لر. 

   

  2.باش وئرن ايختيلافلاردان درس آليب، ايختيلاف طرفلري اؤز رابيطه لرينده بير يئني مرحله يارادالار و بو يئني مرحله نين خوصوصيتي بير-بيرينه سايقي، بير-بيريني دوشونمه و فرقلي فيکره ديريليک حاقي تانيما، آما آذربايجانين ميللي منفعتلري نامينه بيرگه حرکت ائتمه. 

   

 بيزيم ايستگيميز اودو کي، بو ايختيلافلار ايکينجي آلتئرناتيوله اؤزونو گؤستره. ائله بو حدفه چاتماق اوچون بيز ايختيلاف طرفلريندن ساييلان  گونئي نيوز سيته سي نين رئداکتورو  ارسالان کامراني، گايپ سؤزچوسو سايين صالح ايلديريم و گوناز تئو مسئولو سايين احمد اوبالي ايله علاقه  ساخلاييب، دعوت ائتديک آذربايجان نامينه، عومومي ايشلريميزين خئيرينه بو ايختيلافلاري دوندورالار. و ايزين-ايجازه وئرميه لر کي، ايرانين اطلاعاتينا باغلي سايبئر اوردوسو بو ايختيلافلاردان سوي-ايستيفاده ائديب بيزيم ميللي آزادليق حرکاتينا قارشي تخريبات کومپانيياسي آپارالار. آدي چکيلن شخصلر بيزيم تکليفي قبول ائتميشديلر، آما چوخ تأسوفله، ايجتيماي شبکه لرده ايختيلافلار داوام ائتمکده دي. بيز يئنيدن ايختيلاف طرفينده دوران سويداشلاريميزي صبره، دريندن دوشونمه يه و بير-بيري ايله سازيشه دعوت ائديريک و عئيني حالدا يوردداشلايميزدان ايستيريك کي، بيزيم نئيتيرال، طرفسيز اولماغيميزا سايغي نيشان وئره لر و هئچ زامان بيزدن اينتيظارلاري اولماسين کي، هر هانسي ايختيلاف طرفينده دوران شخصين موناقيشه يارادان يازيسيني و يا چيخيشيني آزادتريبون سيته سينده ياياق. 

  درين حؤرمتله 

   ائل اوجا آتالي و بابک آزاد 

   

   

 

LEAVE A REPLY

Please enter your comment!
Please enter your name here

Recent posts

Recent comments