Wednesday, September 15, 2021
HomeChildrenYağış - ياغيش

Yağış – ياغيش

Author

Date

Category

ياغيش

ياغيش ياغير دنه- دنه
ياشيل باغا، گؤي چمنه
يولا دوشور كؤپوكلو سو
چالا- چوققور سودان دولو
شورولدايير دامدا نوودان
گور سو آخير دار قنوودان
داملاجيقلار شيپ- شيپ ائدير
گؤلجوكلرده ياللي گئدير
بير قيزيل گول گولومسه يير
بولوتلارا باشين أيير
اينجه بير يئل نارين- نارين
تئلين هؤرور بوداقلارين
ايسلاق چيمن شپه له نير
لچكلردن ياش اله نير
قارا بولوت آغير- آغير
سوروتله نير، ياغيش ياغير
گؤيه قالخير تورپاق اييي
سئير ائديرم گؤزه للييي
سئرچه جيكلر ائدير جيك- جيك
سيغينجاقدير بيزيم ائوجيك
‹ گولوم › دئيه ر آنام منه
ائويميزده دؤنه- دؤنه
من دئييرم : گوله مسه من
بس ائوده يم ايندي نه دن؟
تئز قاچيرام باغچاجيغا
باتير آياغيم پالچيغا
قوشولورام چيچكلره
ياغيش وورموش لچكلره

رسول قرباني مقدم
تبريز- 1384

Yağış

Yağış yağır dənə-dənə
yaşıl bağa, göy çəmənə
yola düşür köpüklü su
çala-çuqqur sudan dolu
şoruldayır damda novdan
gur su axır dar qənovdan
damlacıqlar şıp-şıp edir
gölcüklərdə yallı gedir
bir qızıl gül gülümsəyir
bulutlara başın əyir
Ilıq bir yel narın-narın
telin hörür budaqların
islaq çimən şəpələnir
ləçəklərdən yaş ələnir
qara bulut ağır-ağır
sürütlənir, yağış yağır
göyə qalxır torpaq iyi
seyr edirəm gözəlliyi
serçəciklər edir cik-cik
sığıncaqdır bizim evcik
gülüm deyər anam mənə
evimizdə dönə – dönə
mən deyirəm: güləmsə mən
bəs evdəyəm indi nədən?!
tez qaçıram bağçacığa
batır ayağım palçığa
qoşuluram çiçəklərə
yağış vurmuş ləçəklərə

Rəsul qurbani
Təbriz – 2005-05-30

Previous articleZülümkar Aslan
Next articleQarğa və Tülkü

Recent posts

Recent comments